Ka nisur në Pogradec Festivali Ndërkombëtar i Akuarielit “Lin Aqua” 2, eventi që bën bashkë mbi 50 piktorë nga e gjithë bota. Nëpërmjet bojërave të ujit mbi telajo, piktorët do të sjellin në mënyrë artistike zonat më të bukura Linit dhe Pogradecit. Për disa prej tyre, Shqipëria ofron gjithçka dhe është vendi perfekt për të pikturuar.
“Më duket një vend perfekt, është hera e parë per mua, nuk kisha dëgjuar për Shqipërinë por duket që po zhvillohet. Sot po pikturoj ujin, banesat, natyrën, ngjyrat, interpretim fantastik sot”
“Është hera e dytë në Shqipëri, hera e parë në Pogradec. Shqipëria është me shume se e bukur sepse natyra është ende natyrë. Ngjyra plot dritë dhe plot jetë.”
“Unë jetoj në Itali dhe me behet qejfi qe ne këtë periudhë rikthehem për të pikturuar me mall. Shqipëria është kudo vepër arti. Ka ngjyra të forta, elegante, është çdokënd i Shqipërisë ka diçka për të thënë”
Armand Xhika, një nga organizatorët e këtij festivali Ndërkombëtar tregon se artistët pjesëmarrës janë të një niveli të lartë.
“Artistët që marrin pjesë këtu janë të cilësive të rralla. Të gjithëve u pëlqeu Pogradeci. Është uji, ngado që shkon ka ujë, bojërat e ujit kanë ndërlidhje. Janë të mahnitur. Nuk e besonin dot sa bukur është, nuk kishin ardhur në Shqipëri shumica, janë nga Ukrainë, Lituani, Spanjolle, italiane. “
Ekspozita e punimeve te eralizuara do të qëndrojë e hapur deri më datën 12 Korrik, ku qytetarët dhe turistët në Pogradec kanë mundësi të shijojmë veprat e artistëve ndërkombëtare.
