Një grup turistësh përjetuan momente frike pranë vullkanit më aktiv të Guatemalës, pasi ai shpërtheu papritur duke hedhur në ajër hi, lavë dhe gurë të zjarrtë.
Pamjet e filmuara nga vetë pjesëtarët e grupit tregojnë momentin kur vullkani Volcán de Fuego aktivizohet teksa turistët po i afroheshin zonës së tij. Në video dëgjohen britmat dhe përpjekjet e vizitorëve për t’u larguar me shpejtësi, ndërsa materialet vullkanike bien përreth tyre.
Një nga turistet, Anna Garcia, tregoi se disa prej gurëve të nxehtë i dogjën xhaketën, ndërsa një copë shkëmbi kaloi shumë pranë kokës së saj.
“Vullkani shpërtheu dhe arrita të filmoja vetëm një pjesë të vogël të asaj që ndodhi. Teksa po filmoja, ngrita kokën dhe pashë gurë që po binin nga qielli. U trondita dhe më pas nisa të vrapoja”, tha ajo.
Garcia e cilësoi ngjarjen si një përvojë të paharrueshme, duke pranuar se gjatë gjithë kohës kishte qenë “plotësisht e tmerruar”.
#CirculaEnRedes | 🧗🏽♀️🌋 Un video en donde durante el ascenso de un grupo de excursionistas al Volcán de Fuego, en Guatemala, el coloso registró una erupción repentina que lanzó ceniza, rocas y material volcánico.#Tabasco | #Noti13 pic.twitter.com/MlNkASfx7H
— Notitrece Tabasco (@c13tabasco) June 22, 2026
Sipas studiuesve, Volcán de Fuego është pothuajse vazhdimisht aktiv në nivel të ulët, duke prodhuar shpërthime të vogla gazi dhe hiri çdo 15 deri në 20 minuta.
Historikisht, vullkani ka shpërthyer më shumë se 60 herë që nga viti 1524. Megjithatë, vetëm tre prej këtyre shpërthimeve kanë shkaktuar viktima. Shpërthimi më i fuqishëm i viteve të fundit ndodhi më 3 qershor 2018, kur rrjedhat e lavës varrosën disa vendbanime të vogla dhe shkaktuan mbi 100 viktima, ndërsa reja e hirit u ngrit deri në 33 mijë këmbë lartësi dhe ishte e dukshme edhe nga hapësira.
/vizionplus.tv
🚨 GUATEMALA
Scary.. 🌋🔴 GUATEMALA : MOMENT HIKERS NEAR VOLCÁN DE FUEGO SCRAMBLED FOR SAFETY
as the volcano suddenly erupted, sending ash, lava and volcanic debris into the air. June 17
– Volcano – Eruption – Volcán – Erupción pic.twitter.com/1P96bvtkuo
— LW World News (@LW_WorldNews) June 19, 2026
