Nga Lezha, në 35-vjetorin e Partisë Socialiste, kryeministri Edi Rama e cilësoi PS-në si forcën politike që shkëputi vendin nga e shkuara dhe e orientoi drejt së ardhmes. Rama tha se socialistët kanë ruajtur dinjitetin kombëtar dhe të vërtetën historike, ndërsa theksoi se objektivi kryesor mbetet anëtarësimi i Shqipërisë në Bashkimin Evropian.
Rama: PS është e vetmja forcë politike që jo vetëm u krijua si një shëmbëlltyrë e vendosmërisë dhe kurajos së një gurpi njerëzish për të ndarë të shkuarën me të ardhmen dhe për ta kthyer drejtimin nga e ardhmja, por mbeti e vetmja forcë që diti të ruaje më të shkuarën një marrëdhënie dinjiteti kombëtar dhe një marrëdhënie vërtetësie hisotirike. U bë njëkohësisht forca që kurrë nuk lejoi që të përdhosej lufta nacional çlirimtare, por ia la turpin atyre që e patën dhe e kanë duke iu kundërvënë luftës nacional çlirimtare dhe duke e shfrytëzuar atë luftë si burimin e një përçarjeje më të thellë në ditët tona, duke sjellë të gjithë mosdakordësinë në ditët tona dhe duke e kthyer Shqipërinë në një vend të përçarë në komunist dhe antikomunist, në shërbëtor të Beogradit dhe në shërbëtor të Shqipërisë, etj, që i kushtuan shumë shumë shtrenj këtij vendi. Ne përpara kemi vetëm objektivin historik, majën ku do të vendosim flamurin e Gjergj Kastriotit dhe Ismalil Qemalit, në oborrin e BE-së.
Shefi i qeverisë mbrojti reformën në drejtësi, duke e cilësuar atë si dallimin më të madh mes Partisë Socialiste dhe kundërshtarëve politikë. Nga Lezha, Rama theksoi se reforma ka krijuar për herë të parë mundësinë për barazi para ligjit dhe se PS është e vendosur të vazhdojë luftën kundër korrupsionit, pavarësisht kostove politike.
Rama: Reforma në drejtësi është kulmi i të gjithë shembujve që e dallojnë PD nga të gjithë të tjerët që flasin për drejtësi, na sulmojnë ne në emër të drejtësisë, por po të ishte për ta shqipëria edhe sot e kësaj dite do të ishte sicc ka qenë që nga 1912, pa asnjë mundësi për të parë barazi përpara ligjit. Këto ndodhin sot, jo sepse ne jemi të korruptuar, por sepse e para ne jemi të vendosur ta luftojmë korrupsionin dhe në ktë luftë ne jemi kaq të vendosur sa jemi të gatshëm të marrim përsipër edhe koston e këtij revolucioni që kemi bërë, duke ia lënë shpatën e drejtësisë njerëzve të drjetësisë të cilërt nuk kanë më asnjë frikë. PS ia ka ngritur kokën çdo shqiptari kudo ku është dhe e ka bërë shqipërinë nga delen e zezë që nuk e përfillte askush, në një vend që është më afër se kurrë realizimit të një ëndrre historike.
