Luftimet midis Izraelit dhe Hezbollahut kanë vazhduar pavarësisht zgjatjes së armëpushimit prej tre javësh. Të paktën 13 persona, përfshirë katër gra dhe një fëmijë, janë vrarë dhe më shumë se 30 të tjerë janë plagosur nga sulmet ajrore izraelite në Libanin jugor.
Grupi Hezbollah, i mbështetur nga Irani, tha se kishte shënjestruar ushtarë dhe automjete ushtarake izraelite në Liban.
Kryetari i parlamentit të Libanit, Nabih Berri, u shpreh se Izraeli po e përdor armëpushimin si mbulesë për të intensifikuar sulmet.
Operacionet ushtarake izraelite në Liban kanë vrarë më shumë se 2,600 njerëz që kur konflikti rifilloi midis Izraelit dhe Hezbollahut më 2 mars. Ndër personat e vdekur janë 103 punonjës të ekipeve të kërkim-shpëtimit, tha Ministria e Shëndetësisë e Libanit.
/vizionplus.tv
