Avokati Redi Ramaj, duke folur për “Dosjen Partizani” në studion e Quo Vadis të moderatores Pranvera Borakaj në Vizion Plus, tha se nuk ka prova për zotin Berisha.
Ai tha se ligji i asaj kohe ka qenë me vendim kolegjial dhe kanë përfituar mbi 1800 qytetarë, ndërsa zoti Berisha, përveç faktit që është vjehrri i zotit Jamarbër Malltezi, nuk lidhet me çështje korrupsioni.
Pjesë nga biseda:
Ramaj: Dosja Partizani u hap në limitet e parashkrimit. E gjithë kjo dosje, duke e parë me këtë kohë kaq shumë të zgjatur, flet për një vendimmarrje të Këshillit të Ministrave. Ishte një ligj dhe përfituan shumë njerëz. Zhvillimet që i bëri zoti Malltezi këtij trualli në Tiranë është histori e ngjashme me atë që e kanë bërë me qindra njerëz.
Hitaj: Reparte ushtarake që iu janë kthyer ish-pronarëve janë shumë pak.
Ramaj: Sa ju ka kthyer sot PS?
Hitaj: U janë dhënë investitorëve strategjikë.
Ramaj: Nëse shikojmë dosjen pa u hyrë të gjitha detajeve.
Borakaj: Mbrojtja pretendon se ka 12 firma.
Ramaj: Po flasim për vendim të organeve kolegjiale që prekin një kategori njerëzish. Flasim për zhvillim të pronës, por si e lidh me kryeministrin e kohës? E para, kanë kaluar shumë vite; e dyta, nuk kuptohet që ka ndërhyrje të drejtpërdrejtë të zotit Berisha apo korrupsion. Do thoni ju interesi me dhëndrin, por vetëm kjo mbetet.
