Presidenti i Republikës, Bajram Begaj, ka reaguar në përvjetorin e 27-të të ndërhyrjes ushtarake të NATO-s kundër regjimit të Slobodan Milosheviçit.
Në një mesazh në platformën “X”, Kreu i Shtetit e cilësoi ndërhyrjen si një operacion që solli fundin e një regjimi shtypës dhe kontribuoi në lirinë e Kosovës, si dhe në paqen që, sipas tij, gëzon sot rajoni.
Begaj theksoi se kjo ndërhyrje mbetet një moment i rëndësishëm historik për Ballkanin, duke nënvizuar ndikimin e saj në stabilitetin e zonës.
Presidenti shprehu mirënjohjen e Shqipërisë ndaj Shteteve të Bashkuara të Amerikës dhe aleatëve të NATO-s për rolin e tyre në këtë proces.
“Shqipëria mbetet sot dhe gjithmonë thellësisht mirënjohëse ndaj SHBA-së dhe aleatëve të NATO-s”, thuhet në reagimin e tij.
Today marks the 27th anniversary of NATO’s military intervention against the oppressive regime of Milošević—a campaign that ended successfully, bringing freedom to Kosova and the peace we enjoy across the region today.
Albania remains, today and always, deeply grateful to the…
— Bajram Begaj (@BajramBegajAL) March 24, 2026
