Detaje të reja janë mësuar nga ngjarja e ndodhur në zonën e ish-Parkut në Tiranë, mesditën e sotme, ku një 58-vjeçar, i identifikuar si Bardhyl Fusha, tentoi të grabiste një bankë.
Gazetari i Vizion Plus, Esido Barkaj, bën me dije se autori është futur në bankë me një çantë, brenda së cilës kishte një kallashnikov.
Lexo edhe :
Related Posts
Sapo ka hyrë në ambientet e bankës së nivelit të dytë, Fusha ka nxjerrë armën dhe ka qëlluar një herë në tokë.
Më pas, ai ka arritur të marrë një shumë parash nga arka. Një qytetar, i cili ndodhej brenda bankës, ka lajmëruar menjëherë policinë. Patrulla ka qenë pranë vendit të ngjarjes dhe, sapo ka mbërritur, ka kapur autorin duke dalë.
Menjëherë iu sekuestrua çanta, brenda së cilës u gjetën paratë dhe arma e zjarrit.
58-vjeçari u shoqërua në Komisariat, ndërsa arma e zjarrit u sekuestrua si provë materiale./vizionplus.tv
