Apeli i Gjykatës Antikorrupsion ka pranuar pjesërisht ankimimin e Ervina Gjanës, drejtoreshës së Krimit Kibernetik në Policinë e Shtetit, e dyshuar në lidhje me dosjen e AKSHI-t.
SPAK kishte sekuestruar celularin dhe disa pajisje elektronike gjatë kontrollit në banesën e saj, të cilat i përkisnin sipas prokurorisë bashkëshortit të saj, i dyshuar për lidhje me të shpallurin në kërkim, Ergys Agasi. Gjana pretendoi se pajisjet ishin të saj.
Apeli vendosi të pranojë pjesërisht ankimimin, por nuk ka dhënë detaje se cilat mjete i janë kthyer zyrtares, për shkak të sekretit hetimor.
/vizionplus.tv
