Tre persona kanë humbur jetën në aksidentin e regjistruar në orët e para të mëngjesit të sotëm në aksin Gjirokastër–Tepelenë. Viktimat janë Anxhelo Ruçi, 27 vjeç, Klejdi Myftari, 24 vjeç dhe Martin Dulaj, 25 vjeç.
Anxhelo Ruçi udhëtonte në një Volkswagen me targa AB 797 VP së bashku me Klejdi Myftarit. Përplasja e fortë me një Mercedes Benz, në të cilin udhëtonte Martin Dulaj, rezultoi fatale për të tre të rinjtë, të cilët humbën jetën në vendngjarje.
Në të njëjtin automjet me Martin Dulajn udhëtonte edhe e fejuara e tij, Ardisa Demiri, 19 vjeçe, e cila mbeti e plagosur rëndë dhe u transportua në Spitalin e Traumës në Tiranë për trajtim të specializuar. Sipas burimeve mjekësore, gjendja e saj është e rëndë, por parametrat jetësorë janë të qëndrueshëm dhe po mbahet nën monitorim intensiv. Për shkak të politraumës, ajo ende nuk konsiderohet jashtë rrezikut për jetën.
Anxhelo Ruçi ishte djali i shefit të Komisariatit të Policisë Tepelenë, Rami Ruçi.
/vizionplus.tv
