Kandidatët e PS-së që “i lexuan” votat para kohe, kryebashkiakët e rinj parashikuan rezultatin para Ramës

Më 7 nëntor, dy ditë para se të mbaheshin zgjedhjet e pjesshme vendore në pesë bashki, kreu i qeverisë Edi Rama në podcastin e tij “Flasim” kishte të ftuar kandidatët për kryebashkiakë, Bruna Mersinin të Vlorës, Gramos Sakon të Tepelenës, Altin Bojnin të Matit, Florenc Dokon të Cërrikut dhe Ervin Cecën të Beratit.

Të pestë kandidatët e PS-së, të cilët  fituan të gjitha bashkitë, në podcastin e Ramës bënë parashikimet e tyre.

Lexo edhe :

Related Posts

Rama mesazh të rëndësishëm kryetarëve të bashkive: Vëmendje fshatit, jo vetëm qytetit! Kandidatët e zgjedhjeve të 9 nëntorit parashikojnë rezultatin

Brunilda Mersini parashikoi se do të merrte 80% të votave, Gramos Sako 83% të votave, Ervin Cece 75% të votave, Altin Bojni 65 % të votave dhe Florenc Doko 70 plus 1.

Por sa iu afruan kandidatët parashikimeve?

Sipas shifrave zyrtare nga KQZ Brulinda Mersini arriti të merrte 78.44% të votave, Gramos Sako 77.85%, Ervin Ceca 83.35%, Altin Bojni 66.54% dhe Florenc Doko 66.22%.

Rezultatet tregojnë se disa prej kandidatëve, si Ervin Ceca në Berat, e tejkaluan parashikimin e bërë, ndërsa të tjerë si Sako apo Doko mbetën pak nën pritshmëritë e tyre. Partia Socialiste arriti të sigurojë një fitore të plotë në të gjitha bashkitë ku u zhvillua gara./vizionplus.tv