Autori i dyshuar i vrasjes së gjyqtarit Astrit Kalaja, i cili u qëllua me armë brenda ambienteve të Gjykatës së Apelit në Tiranë është 30-vjeçari Elvis Shkembi.
Lexo edhe :
Related Posts
Mësohet se dy persona të tjerë kanë mbetur të plagosur, Ervis dhe Rakip Kurtaj, babë e bir.
Shkak i ngjarjes dyshohet se është bërë një gjyq për pronat.
Shkëmbi, menjëherë pas ngjarjes është arrestuar.
Policia ka rrethuar Gjykatën e Apelit dhe grupi hetimor po punon për zbardhjen e plotë të rrethanave të ngjarjes.
Tiranë/Informacion paraprak
Rreth orës 15:40, në ambientet e Gjykatës së Apelit të Juridiksionit të Përgjithshëm Tiranë, gjatë një procesi gjyqësor, dyshohet se shtetasi E. Sh., 30 vjeç (palë në proces) ka qëlluar me armë zjarri drejt gjyqtarit, shtetasit A. K., dhe shtetasve R. K., 65 vjeç dhe E. K., 45 vjeç, atë e bir (pala tjetër në proces).
Si pasojë ka humbur jetën shtetasi A. K. dhe janë plagosur shtetasit R. K. dhe E. K, të cilët janë jashtë rrezikut për jetën.
Shërbimet e Policisë me marrjen e njoftimit kanë shkuar menjëherë në vendngjarje dhe kanë bërë të mundur kapjen dhe shoqërimin në ambientet e DVP Tiranë, të autorit të dyshuar, shtetasin E. Sh., si dhe kanë sekuestruar armën e krimit.
Në vijim do të jepet informacion më i plotë për ngjarjen.
/vizionplus.tv
