Nis sot rrugëtimin “MES’DRITË” në Vizion Plus, një emision që do t’i japë një tjetër dimension paraditeve tuaja.
Prej orës 10:05 deri në 13:00, çdo ditë do të mbushet me energji, informacion dhe argëtim, falë dyshes simpatike Alma Çelaj dhe Syrjan Rahova. Ata do të sjellin një mozaik të pasur rubrikash; astrologji, gossip, lifestyle, receta gatimi, ide kreative dhe intervista me të ftuar specialë.
Por surpriza më e veçantë e studios është… një shtrat! A do të jetë vendi ku do ndahen rrëfime personale? Apo një simbol i rehatisë që ky emision sjell në shtëpitë tona? Mbetet për t’u parë!
“MES’DRITË” ka një mision të qartë, të bëhet pjesë e përditshmërisë së çdo familjeje shqiptare, duke sjellë dritë, buzëqeshje dhe përmbajtje me vlerë.
