Mbretëria e Bashkuar ka regjistruar vitin e saj më të keq për diagnozën e të prekurve me turmor. Pandemia e koronavirusit goditi Shërbimin Kombëtar të Shëndetit (NHS), ka shkaktuar kaos në sistemin shëndetësor duke bërë që pacientët e prekur nga sëmundjet tumoriale të mos diagnostikohen në kohë .

Në dhjetor 2020, Shërbimi Kombëtar i Shëndetit regjistroi 200,940 raste urgjente me kancer në Angli, krahasuar me 187,811 të vitit të kaluar. Rritja e shifrave mendohet të jetë shkaktuar nga referimet që u vonuan gjatë valës së parë të pandemisë Covid-19, kur kujdesi jo-urgjent u pezullua.

Radiologu klinik i NHS, Dr. Julian Elford, paralajmëroi se pandemia për institucionet nënkuptonte se profesionistët mjekësorë nuk mund t’i trajtonin pacientët sipas kushteve normale. Vonesat çuan në rritje të numrit të pacientëve të prekur nga sëmundjet tumoriale duke regjistruar një rekord kombëtar.

Vetë Shërbimi Kombëtar i Shëndetit zgjodhi të vonojë procedurat, pasi nuk donte të vinte në rrezik pacientët me kancer duke evituar udhëtimet e panevojshme në spital.

Krahas numrit të individëve, të cilëve u janë dhënë referime urgjente për trajtim tumori, rreth 350,000 pacientë në Angli kanë pritur më gjatë se sa gjashtë javë për një test kyç diagnostikues. Një vit më parë, në dhjetor 2019, shifra ishte vetëm 41,906.

 

Leave a Reply

Your email address will not be published. Required fields are marked *