Policia e Tiranës shoqëroi 11 shtetas pas incidenteve të rënda para selisë së kuvendit të Shqiperisë ku u plagosën 12 efektive dhe protestues.
Me urdhër të prokurorisë dhe pas hetimeve të bëra në terren u bë arrestimi në flagrancë I këtyre personave:
– Alban Ahmetcenaj, 36 vjeç;
– P. A., 17 vjeç;
– Fluturim Goleci, 30 vjeç;
– Rruzhdi Daci, 53 vjeç;
– Marsel Villari, 28 vjeç;
– Erjona Dozhani, 30 vjeç;
– Lulzim Dozhani, 45 vjeç;
– Dorjan Protoduari, 30 vjeç (i shpallur më parë në kërkim nga Kom. Pol. nr.6, për veprën penale “Organizimi dhe pjesmarrja në grumbullime dhe në manifestime të paligjshme”);
– Ali Nalic, 35 vjeç;
– Amarildo Sinanaj, 30 vjeç;
– Shpati Bilbili, 31 vjeç.
Arrestimi i tyre u bë për veprat penale “Plagosje e rëndë me dashje”, “Organizimi dhe pjesëmarrja në grumbullime dhe në manifestime të paligjshme”, “Prishje e rendit dhe qetësisë publike” si dhe “Goditja për shkak të detyrës”.
Po ashtu policia tha se po punon për identifikimin dhe shoqërimin e personave të tjerë, të cilët gjatë protestës kanë ushtruar dhunë ndaj punonjësve të Policisë, si dhe kanë nxitur protestuesit për veprime të dhunshme.
Në njoftimin e shpërndarë për mediat, Policia e Shtetit sqaroi se është e vendosur për të mos toleruar akte të tilla dhune ndaj punonjësve të vet dhe paralajmeroi se duke nisur nga kjo e merkure nuk do te lejoje më bllokimin e rrugës, duke penguar qarkullimin e lirë të qytetarëve dhe të automjeteve.