Pas një hetimi të zhvilluar për rreth 7 muaj, Sektori për Hetimin e Narkotikëve dhe Trafiqeve ka finalizuar operacionin policor të koduar “Prive”, në drejtim të Prokurorisë së Fierit.
Gjatë këtij operacioni, u zbuluan aktivitete të prostitucionit në një lokal në Mbrostar, ku dy shtetase nga Uganda, të punësuara fillimisht për të performuar kërcime, ushtronin prostitucion.
Në kuadër të operacionit janë arrestuar 5 persona, tre shtetas shqiptarë, të dyshuar si organizatorë dhe administratorë të veprimtarisë kriminale dhe dy shtetaset nga Uganda, të përfshira në ushtrimin e prostitucionit.
“Gjatë operacionit “Prive”, u arrestuan shtetasit O. P., 29 vjeç, banues në Fier, K. H., 24 vjeçe, banuese në Peqin, O. G., 32 vjeçe, banuese në Fier, R. M., 24 vjeçe, banuese në Uganda dhe Sh. N., 22 vjeçe, banuese në Uganda.
Nga hetimet ka rezultuar se në një lokal në Mbrostar, ku shtetaset nga Uganda ishin punësuar për të performuar kërcime, ato ushtronin dhe prostitucion. Organizatorë të dyshuar të kësaj veprimtarie kriminale janë 3 shtetasit shqiptarë, në rolet e rekrutuesve dhe administratorëve.
Materialet procedurale iu referuan Prokurorisë së Fierit, për veprime të mëtejshme”, thuhet në njoftim.
/vizionplus.tv
