Viti i ri arsimor i sistemit parauniversitar ka filluar normalisht të hënën e 16 shtatorit në të gjitha shkollat dhe kopshtet e bashkisë Korçë.
Kryebashkiaku Sotiraq Filo urimin e tij e ka zgjedhur ta përcjellë nga shkolla e rikonstruktuar 9 vjeçare ‘Naim Frashëri’ në qytetin e Korçës.
“Jemi në shkollën e rikonstruktuar së fundi me nië bashkëfinancim të bashkisë dhe qeverisë shqiptare. Jam shumë I kënaqur që të gjithë nxënësit dhe mësuesit e kësaj shkolle do të kenë mundësi që vitin e ri shkollor ta fillojnë në kushte optimale me klasa të rikonstruktuara dhe ambjente sportive”, tha kryebashkiaku Filo.
Filo përcolli një mesazh urimi edhe për mësuesit në misionin e tyre fisnik.
Ai theksoi se bashkia Korçë do vazhdojë me proçesin e rikonstruksionit të të gjitha shkollave dhe kopshteve në territorin e saj.
