Situata brenda PS duket sikur nuk është në ditët më të mira, gjë që u pa edhe ditën e sotme në Kuvend.
I ftuar në “Quo Vadis” në Vizion Plus, në emisionin e moderatores Pranvera Borakaj, analisti Armir Shkurti tha se brenda PS ka njerëz të pakënaqur, të cilët kanë nxjerrë para Belinda Balluku.
Sipas tij, kjo është një strategji e tyre për të fituar sadopak nga pushteti.
Pjesë nga biseda:
Borakaj: Përplasjet brenda PS?
Shkurti: Mbase duket si reklamë, por unë e shoh shumë “Ferma VIP”. Janë acaruar në Fermë se janë izoluar, edhe në mazhorancë kanë kohë të gjatë në pushtet. Dje unë kam parë një intervistë të kryeministrit Edi Rama që fliste për Elisa Spiropali. Nuk është se ajo mazhorancë mbahet nga parime, ajo është ndërtuar mbi bazën e interesit. Unë them është oligarki, nuk e kam në kuptimin e Arlind Qori. E kam fjalën që një dorë e vogël njerëzish luajnë të gjitha lojërat. Kjo oligarki nuk pyet kush rrudh buzën; nëse prishen interesat, ka lëvizje tektonike. Nuk u mor njeri me lëvizjet në qeveri. Të heqësh kolonat e shtetit pa dhënë shpjegim, do të thotë se ka ndodhur një gjë shumë e madhe. Reagimin e Spiropalit unë e shoh si faktin që një grup aty brenda e kanë nxjerrë para Spiropalin.
Borakaj: Por nuk duken këta. Mendon se është strategji?
Shkurti: Po, mendoj se është strategji. Termi “moçal” i shkon për shtat mazhorancës, pasi ka kohë që pushteti nuk lëviz.
