Kryetari i Kuvendit, Kadri Veseli, nga Gjermania ka theksuar qëndrimin që ajo mban në lidhje me ruajtjen e integritetit territorial të Kosovës. Ndër të tjera Veseli theksoi se Berlini është e mendimit që të arrihet një marrëveshje mes Prishtinës dhe Beogradit, e cila do të ishte e pranueshme për të dy palët.
“Kosova është shtet i pavarur dhe Sovran, Kosova është shtet i pacënuar në integritetin territorial, ky është një qëndrim i shtetit gjerman, si dhe nevoja që të arrihet një zgjidhje mes Kosovës dhe Serbisë”.
Theksojmë se shteti gjerman është i vetmi që deri më tani ka dalur kategorikisht kundër idesë së shpalosur nga presidenti Thaçi për korrigjimin e kufijve mes Kosovës dhe Serbisë.