Për Hong Kongun duket se koronavirusi është një histori që nuk ka fund. Teksa për pjesën më të madhe të ditëve të marsit rastet e reja që raportoheshin ishin të pakta ose fare, këtë të mërkurë janë regjistruar 14 të infektuar të rinj. Ajo që është shqetësuese është fakti se 13 prej 14 rasteve të reja kishin histori udhëtimi së fundmi.
Ëong Ka-hing, nga Qendra për Mbrojtjen e Shëndetit në Hong Kong, paralajmëroi se në ditët në vijim do të mbërrijnë në Hong Kong një numër i madh udhëtarësh, veçanërisht studentët jashtë vendit që kthehen pas mbylljes së universitetit.
Kjo ka ngjallur alarmin se mund të ketë një valë të dytë të infeksioneve, me udhëtarët jashtë vendit, të cilët përbëjnë rrezik se mund të sjellin infeksione të reja dhe të formojnë grupe të reja.
Duke filluar nga e enjtja, të gjithëve atyre që kthehen nga vendet e huaja do t’u kërkohet të vetëkarantinohen për 14 ditë.
