Kompania Moderna, me qendër në Kembrixh në Massachussetts, bëri kërkesë te henen për autorizim për të vazhduar testet te FDA.
Moderna po e përmbyll Fazën 1, e cila filloi me studimet e kryera nga Niaid, Instituti Kombëtar i Alergjisë dhe Sëmundjeve Infektive. Më 7 shkurt, shkencëtarët kishin përfunduar sekuencën gjenetike të virusit.
Testimi njerëzor filloi më 16 mars, shumë përpara Evropianëve të Oksfordit, duke përfshirë 45 vullnetarë të shëndetshëm, të moshës midis 18 dhe 55 vjeç. Vaksina u injektua me tre doza të ndryshme: 25 miligram; 50 dhe 100. Eksperimenti është ende në vazhdim dhe në të vërtetë po zgjerohet në gjashtë grupe të tjera vullnetarësh.
Tani, pra, Moderna kalon në hapin tjetër: të përcaktojë nëse përbërja kimike është efektive kundër Covid-19 dhe nëse lejon zhvillimin e antitrupave.
Do të fillojë së shpejti me një grup prej 600 “pacientësh” të ndarë në dy grupe: gjysma do të jetë midis 18 dhe 55 vjeç; të tjerët mbi 55 vjeç. Cikli në të vërtetë do të testojë dy variante të tipit Rna-1273. Ai do të administrohet për të gjithë pjesëmarrësit me një dozë prej 50 miligram ose 250. Të gjithë do të marrin një dozë të placebo, një substancë e padëmshme për të verifikuar se reagimet nuk kushtëzohen nga komponentët psikologjikë.
Udhëzimi i caktuar nga Moderna, në koordinim me Niaid, do të përfundojë fazën e dytë në muajin shtator-tetor 2020. Nëse rezultatet janë pozitive, mund të fillojë prodhimi masiv industrial.
