Duke filluar një dita e hënë (27 korrik), zyra e vizave dhe pasaportave të Ambasadës Gjermane në Tiranë do të rifillojë punën. Këtë e bëri të ditur vetë ambasada përmes një postimi në “Facebook”.
“Zyra e Vizave dhe Pasaportave të Ambasadës Gjermane në Tiranë rifillon punën normalisht ditën e hënë, më 27.07.2020; takimet e konfirmuara mund të mbahen. Aplikuesve, të cilët kanë pasur takim në periudhën kohore 20.07.2020 deri më 24.07.2020 do t’u konfirmohet një takim i ri”, shkruhet në faqen e saj zyrtare.
Katër ditë më parë, Ambasada njoftoi mbylljen pa afat të kësaj zyre, si masë parandaluese për përhapjen e koronavirusit.