Një 53-vjeçar është gjetur i pajetë në garazhin e banesës së tij në fshatin Progër të Devollit.
Viktima Andrea Grazhdani, i cili jetonte i vetëm, dyshohet se ka ndërruar jetë nga asfiksia e gazit të gjeneratorit që përdorte.
Mësohet se ai kishte 3 ditë që ishte kthyer nga Greqia, dhe po bënte punime në shtëpi për vendosjen e kaldajave, pasi do të festonte me familjen për festat e fundvitit.
Dje, për shkak të mungesës së energjisë, ai ka hapur gjeneratorin dhe është asfiksuar. Ka qenë fqinji i tij, ai që ka lajmëruar policinë pasi ka gjetur në mëngjes derën e garazhdit të mbyllur, ndërsa do të vazhdonin punimet.