Turqia ka ngritur tonet ndaj BE, duke paralajmëruar se nëse unioni nuk u përmbahet angazhimeve të parashikuara në marrëveshjen për emigrantët, ajo nuk do të përmbushë detyrimet e saj. Sipas paktit, ne këmbim te marrjes se refugjateve siriane nga Greqia, Brukseli do te hiqte vizat per shtetasit turq qe nga muaji qershor. Zbatimi i paktit per zhvendosjen e refugjateve nga Greqia drejt Turqisë, ne këmbim te disa përfitimeve, ishte ne fokus te takimit qe kryeministri turk Davutoglu zhvilloi ne Strasburg me kreun e Komisionit Europian, Jean Claude Juncker. Por Juncker e beri te qarte se BE nuk do te nxitoje me procesin e liberalizimit te vizave per Turqinë. Ky proces është çështje kriteresh dhe nuk do te ndryshoje ne rastin e Ankarasë. Ndërsa ditët e fundit nuk ka pasur zhvendosje te mëdha te emigranteve drejt Turqisë, Junker tha se marrëveshja po funksionon dhe fluksi i zbarkimeve nga brigjet turke drejt atyre greke ka pësuar rënie.

 

 

 

 

Leave a Reply

Your email address will not be published.