Mykola Kravchenya, banor i një fshati në Ukrainë, ka treguar me dhimbje se si forcat ruse i vranë të birin.
“Erdhën dhe i urdhëruan të dilnin nga shtëpia. Ai dhe gruaja e tij iu bindën urdhrit, dolën nga shtëpia, me armët mbi kokat e tyre. Gruan e tij e lanë të lirë që të ikte, pasi iu lut që mos ta vrisinin sepse kishte dy fëmijë. Më pas, qëlluan atë (djalin)”.
“Nuk kam më lot. Çfarë të bëj? Gjëja më e rëndësishme është se (djali im) nuk e tradhtoi Ukrainën. Kjo është më e rëndësishmja”.
Në Andriivka, një fshat 60 kilometra në veriperëndim të Kievit, jetonin rreth 1 mijë njerëz përpara luftës, por shumë u larguan për shkak të pushtimit të plotë nga ana e trupave ruse.
