Presidenti i SHBA-ve, Donald Trump ka dënuar dhunën kundër aktivistëve të ekstremit të djathtë, në shtetin Virxhinia të Shteteve të Bashkuara, të shtunën.
Dy ditë pas protestave të dhunshme me sfond racist, ku humbi jetën një 32 vjeçar dhe 19 të tjerë u plagosen, Trump e cilëson racizmin si diçka të keqe. Kreu i Shtëpisë theksoi se ata që shkaktojnë dhunë në emër të racizmit, janë kriminelë.
“Racizmi është i keq, ata që shkaktojnë dhunë në emër të tij janë kriminelë e banditë përfshirë Ku Klux Klan, neo-fashistët, supermacistët e bardhë e grupe të tjera që tregojnë neveri ndaj çdo gjeje që ne si amerikanë e kemi të shtrenjtë. Ne jemi një vend i themeluar mbi të vërtetën se të gjithë jemi të barabartë.”
Hetuesit federalë amerikanë, kanë hapur një hetim për të drejtat civile, për të zbuluar rrethanat që e shtynë 20 vjeçarin Fields, të drejtojë makinën drejt turmës së njerëzve në rrugën e Sharlotsville më 12 gusht.
