Dëshmitarë okularë kanë përshkruar momente tronditëse gjatë zjarrit që përfshiu një lokal nate në Crans-Montana, Zvicër, ku raportohet për disa viktima dhe dhjetëra të lënduar. Ngjarja ndodhi rreth orës 01:30 të mëngjesit, ndërsa po festohej ndërrimi i viteve.
Sky News ka folur me një dëshmitar, Samuel Rapp, i cili rrëfen se brenda lokalit mbizotëronte paniku:
“Njerëzit bërtisnin, ishte e tmerrshme. Pashë shumë persona në dysheme, disa kërkonin ndihmë mjekësore”, ka thënë ai, duke shtuar se mes të pranishmëve kishte edhe të mitur, rreth moshës 16–18 vjeç.
🇨🇭🔥🎉 EN IMAGES – Une vidéo montre le tout début de l’incendie au bar « Le Constellation » à Crans-Montana (VS), au moment où le plafond s’enflamme. 20 Minuten) pic.twitter.com/ZfcoZt73WL
— SuisseAlert (@SuisseAlert) January 1, 2026
Dy gra franceze, që ndodheshin në lokalin Le Constellation, thanë se zjarri nisi nga një qiri festiv mbi shishet e shampanjës, i cili preku tavanin prej druri. “Brenda pak sekondash, i gjithë tavani u përfshi nga flakët”, ka deklaruar njëra prej tyre. Sipas tyre, dalja ishte shumë e vogël për numrin e madh të njerëzve dhe dikush theu një dritare për të shpëtuar.
Policia zvicerane ka publikuar pamje pas ngjarjes, ndërsa hetimet vijojnë. Autoritetet konfirmojnë se incidenti po trajtohet si zjarr aksidental, jo si sulm, ndërsa shkaku i saktë mbetet ende i paqartë.
/vizionplus.tv
