Për të është thjeshtë babai i vajzës së saj dhe për fat të keq akoma bashkëshorti i ligjshëm, por këngëtarja Mel B, po bën të pamundurën të përshpejtojë proçedurat e divorcit nga Stephen Belafonte dhe të mbrojë veten dhe 3 vajzat.
Ajo ka marr një urdhër mbrojtje, nga gjykata e Los Angeles, duke dhënë një sërë provash për dhunën psikologjike dhe fizike që ai ka ushtruar gjatë këtyre 10 viteve martesë. Mel B merr rastin e vitit 2012, kur ai e goditi me grusht dhe më pas e shtyu. Këngëtarja e ka shoqëruar teorinë e saj edhe me një foto, duke e kthyer në provë të pakundërshtueshme.
Stephen e goditi dhe la një shenjë të madhe, të kuqe në fytyrën e këngëtares. Më pas ai mësohet të ketë detyruar Mel, të pranojë me anë të një statusi në Twitter, që ende ekziston në profilin e saj, se incidenti ndodhi pasi këngëtarja kishte vrapuar me taka shumë të larta.
