Sekretari amerikan i Shtetit Antony Blinken ka reaguar për bisedën telefonike që ka zhvilluar me kryeministrin Edi Rama, sa i takon sulmit kibernetik në sistemin TIMS.
Në një postim në Twitter, Blinken tha se SHBA nuk do të lejojë asnjë përpjekje të jashtme që synojnë destabilizimin e Uashingtonit apo shteteve aleate të NATO-s.
“Bisedova me kryeministrin shqiptar Edi Rama për të shprehur solidaritetin dhe mbështetjen pas sulmit kibernetik të 9 shtatorit kundër Shqipërisë. Ne nuk do të tolerojmë sulme kibernetike që synojnë Shtetet e Bashkuara apo aleatët tanë të NATO”, shkruan Blinken