Bombardimet ruse në Zaporizhzhia kanë lënë të vrarë tre civilë. Numri i viktimave u bë i ditur nga presidenti ukrainas, Volodymyr Zelensky në një postim në Telegram.
“Zaporizhzhia. Një tjetër sulm nga terroristët rusë. Deri tani, tre persona janë raportuar të vdekur. Ngushëllimet e mia për familjet,” tha Zelensky.
Zelensky theksoi se sulmet ruse do të marrin përgjigje nga forcat ukrainase.
“Operacioni i shpëtimit është duke u zhvilluar. Të gjitha viktimave do t’u sigurohet ndihma e nevojshme. Dhe ky krim lufte i Rusisë me siguri do të përballet me dënimin e tij. Dhe përgjigja ndaj terroristëve rusë do të jetë në vijën e parë – falë luftëtarëve tanë heroikë,” shtoi ai.
Më herët, një tjetër person është raportuar i plagosur nga sekretari i bashkisë së qytetit, Anatolii Kurtev.
