Hyrja e Himenës gjatë spektaklit të së premtes, ka sjellë një sërë reagimesh tek fermerët e tjerë.
Moderatorja Fjoralba Ponari ka pyetur fermerët se si e kanë kaluar këto ditë me fermeren më të re, por një pjesë e tyre kanë pasur përgjigje të prera se nuk e kanë kaluar shumë kohë me të.
Buçko, i cili është shprehur i hapur për të krijuar një lidhje në “Ferma VIP”, ka dhënë sinjale se ka simpati për Baby G.
Duket se edhe sot, e ka pohuar vetë se brenda fermës është dikush që ja ka rrëmbyer zemrën kuzhinierit.
Ai ka thënë se nuk ka qëndruar shumë me Himenën, pasi ai e ka bërë zgjidhjen e tij, duke mos dhënë shumë detaje dhe duke thënë se më vonë do të mund të flasë me emra konkret.
“E kam bërë zgjidhjen time unë”, tha Buçko./vizionplus.tv
