Përveç atyre që kanë humbur jetën nga koronavirusi, sa të tjerë do të vdesin për shkak të ndikimeve të pandemisë në jetën sociale dhe ekonomike?
Këtë pyetje ngrejnë studiuesit australianë, sipas të cilëve ka një rrezik që gjatë kësaj kohe të shtohen edhe më shumë rastet e vetëvrasjes.
Ata vlerësojnë se vetëvrasjet mund të rriten deri në 50% për shkak të ndikimeve të tilla si humbja e punës apo rëndesa psikologjike prej izolimit.
Rreth 3 mijë vetëvrasje regjistrohen çdo vit në Australi. Sipas studiuesve, 1/3 e personave që vrasin veten mund të jenë të rinj.
“Të rinjtë përjetojnë më shumë stres psikologjik, financiar dhe kanë më shumë probleme me strehimin e përkohshëm”, thuhet në raport.
Qeveria e Australisë ka premtuar një fond shtesë prej 500 dollarësh për punonjësit e shëndetit mendor gjatë krizës.
