Letra që Indri i drejtoi Vanesës, ku i theksoi se marrëdhënia e tyre përfundoi për shkak se ai nuk kishte më ndjenja për këngëtaren ka sjellë reagime të forta nga fermerët.
Soni Malaj, e cila ka qëndruar shpesh herë afër me Indrin është shprehur e habitur për këtë veprim të aktorit.
“Unë kam qenë afër me Indrin dhe shpesh flisnim për Vanesën dhe nuk e prisja këtë ndryshim”, tha Soni.
Ndërsa për Sarën, veprimi i Indrit ishte për të tërhequr vëmendje, pasi sipas saj ai nuk ka se çfarë jep më shumë.
“Për të tërhequr vëmendje. Nuk ka më çfarë jep. Ka dashur të krijojë edhe një marrëdhënie të fundit për të parë sesa shtyhet”, tha Sara.
I të njëjtit mendim me Sarën ishte edhe Iliri.
Por ndryshe nga fermerët e tjerë, është Moza.
Sipas poetes, veprimi i Indrit ishte i sinqertë, teksa theksoi se edhe më herët aktori ja kishte bërë të qartë Vanesës që raporti i tyre nuk do funksiononte.
Moza shtoi se të gjithë në fermë po luajnë, dhe çdo veprim i kanë në kuadër të lojës, edhe ata që ajo i cilëson si “moralistë”. Madje pëlqimin që Indri shprehu për Klevisën, sipas poetes ka qenë një veprim njerëzor.
“Nuk njoh asnjë që nuk po luan. Edhe më moralistët, për lojë bëjnë moral. Për mua ka qenë i sinqertë që ka bërë atë letër për të këputur një marrëdhënie që mesa pa ai u konsumua dhe e kuptoi që nuk mund të kishte vazhdim. Ndjenjat janë të çuditshme, lindin e vdesin me një shpejtësi të jashtëzakonshme në një botë si ferma. Nuk jemi në botën jashtë. Këtu të merr era kollaj nëse nuk ke rezonancë me dikë. Të gjithë luajnë dhe brenda lojës ky ka qenë i sinqertë, me parametrat e sinqeritetit të vet me atë vajzën. Disa herë ja ka bërë në dukje për pamundësinë e vazhdimit. I dha kohën edhe vajzës që është jashtë, të mos e humbasë. Edhe pohimi për vajzën tjetër, mu duk njerëzore. E tha troç më pëlqen, e nuk ka asnjë gjë të keqe”, u shpreh Moza.
