Rritet bilanci i viktimave nga koronavirusi në Spanjë në raport me një ditë më parë. Gjatë 24 orëve të fundit janë shënuar 325 të vdekur dhe 2.144 të infektuar.
Ministria e Shëndetësisë deklaroi këtë të mërkurë se numri i të shëruarve është rritur në 6.399 pacientë.
Ndërkohë, në total kanë humbur jetën 24.275 persona. Pas SHBA-së dhe Italisë, Spanja është vendi i tretë më i prekur në botë nga pandemia.
Nga ana tjetër, regjistrohen gjithsej 212. 917 raste të konfirmuara me COVID-19 dhe 108.947 persona që e kanë fituar betejën.
