Logo e re për 80-vjetorin e çlirimit, do të përdoret në të gjitha shkresat e institucioneve shtetërore

Nga kjo e hënë, të gjitha institucionet e republikës së Shqipërisë, do të duhet të përdorin në shkresat zyrtare logon e 80-vjetorit të çlirimit.

Lajmi është bërë i ditur nga Ardit Bido, i cili tha se modelet e reja përveçse në fletoren zyrtare, mund të gjenden në faqen e internet arkiva.gov.al.

Institucionet shtetërore janë të detyruara ta përçojnë këtë mesazh, përmes logos së miratuar, në çdo shkresë zyrtare, deri në fund të vitit 2024 dhe në rast të mospërdorimit do të ketë ndëshkime administrative të përcaktuara në ligjin për arkivat.

80 vjetori i çlirimit të Shqipërisë është miratuar si vit jubilar mbarëkombëtar nga këshilli i ministrave. /vizionplus.tv