Këshilli i Lartë Gjyqësor vendosi në mbledhjen e kësaj të hënë mbrojtjen fizike për gjyqtarin e Shkodrës, Tonin Sterkaj, të cilit iu vendos një sasi tritoli në derën e banesës së tij. Garda e Republikës do mbrojë Sterkajn dhe familjen e tij për një periudhë 6 mujore.
I pranishëm në këtë mbledhje ishte dhe ministri i Brendshëm Taulant Balla i cili dënoi ashpër çdo akt kundër magjistratëve dhe siguroi zbardhjen e plotë të ngjarjes si dhe zbulimin e porositësve të vendosjes se eksplovizit.
Lexo edhe :
Related Posts
“Na duhet më shumë mbështetje ndaj magjistratëve, të cilët duhet ta kryejnë detyrën e tyre të pandikuar. Dhe besoj që duhet të bëjmë më shumë për të garantuar më shumë siguri dhe më shumë mbështetje ndaj gjyqtarëve dhe prokurorëve dhe do të ndihesha shumë mirë para opinionit publik në ditët dhe orët në vijim me rezultate konkrete në zbardhjen e plotë të autorit, po pse jo edhe të porositësit apo porositësve”, tha Balla.
Balla u shpreh se kjo ngjarje do të jetë një provë për vetë policinë e Shkodrës.
“Në këtë aspekt apeli që unë bëra dhe urdhri i dhënë është të hetohen të gjitha pistat. Sa i përket pjesës tjetër dhe nuk dua të flas më shumë për këtë, sepse ju thashë kjo ngjarje është një test për DVP Shkodër, në të gjitha kuptimet, por që lidhet drejtë për së drejti me kredibilitetin dhe me besimin në rritje të Policisë së Shtetit”, u shpreh Balla.
Ministria e brendshme kërkoi te ndalen sulmet kriminale ndaj gjyqtarëve, jo vetëm ato fizike, por edhe ofendimet ndaj tyre, duke nënkuptuar edhe rastin e gjyqtares Irena Gjoka. Kjo e fundit u sulmua nga një qytetar me të njëjtat fjalë qe kishte perdorur ndaj saj edhe ish-kryeministri Sali Berisha./vizionplus.tv/
