Kombëtarja shqiptare vijon përgatitjet në Barcelonë në kuadër të takimit miqësor që kuqezinjte do të kenë të shtunën kunder një rivali prestigjoz si Spanja.
Shqetësimi I vetëm për trajnerin Reja është mesfushori Abrashi I cili u dëmtua në takimin e fundit me ekipin e tij në Zvicer.
Këtë të martë kuqezinjte zhvilluan një seancë stërvitore me ngarkesë të plotë duke qënë se tekniku Italian e pati kontigjentin në dispozicion.
Përpara mediave këtë të martë dolen dy nga risitë në kombëtaren e Shqipërisë në prag të ndeshjeve miqësore me Spanjën dhe Gjeorgjinë, konkretisht Adrian Bajrami dhe Elhan Kastrati .
Mbrojtësi i Benfica Adrian Bajrami pati një oferte konkrete për të përfaqësues zvicren ku edhe është rritur mirëpo, djaloshi shqiptar me origjinë nga Maqedonia e Veriut, zgjodi mgjyrat kuqezi.
“Jam shqiptar. Kam lindur e jam rritur në Zvicër, kam kaluar shumë vite në Zvicër me futbollin. Pastaj kam shkuar te Benfica dhe po bëj katër vite aty tani. Në fund e kam zgjedhur Shqipërinë se jam shqiptar”, shtoi mbrojtësi.
Ndërkohë portiere Elhan Kastrati, i cili rikthehet në kombëtare pas ndeshjeve në Nations League ku ishte në stol vlerësoi grupin kuqezi,
“Shqipëria në këto momente ka një grup me kualitet. Nuk ka nevojë ta them unë, e thonë edhe rezultatet. Grupi është me të vërtetë shumë i mirë dhe mund të arrijmë diçka shumë të madhe, sa i përket kualifikueseve. Grupi është shumë i mirë”.
Dueli miqësor kundër Spanjës do të luahet të shtunën me 26 mars ndërsa testi tjetër kolaudues do të zhvillohet ndaj Gjerogjisë në Tiranë në datën 29 mars ora 18:00.
SHQIPËRIA STËRVITET NË BARCELONË
KUQEZINJTË LUAJNË TË SHTUNËN KUNDËR SPANJËS NË MIQËSORË
GAZETAR: ERVIN SINA
