Kombëtarja shqiptare e futbollit do të zhvillojë një miqësore me Gjibraltarin më 11 nëntor 2020.
Lajmi është bërë i ditur nga vetë FSHF nëpërmjet një njoftimi në faqen e saj zyrtare.
Testi miqësor do të zhvillohet në stadiumin “Elbasan Arena” dhe do të startojë në ora 19:00.
Kjo do të jetë hera e parë që Shqipëria ndeshet me Gjibraltarin, si edhe miqësorja e dytë për kuqezinjtë në program. Kombëtarja shqiptare do të luajë edhe një miqësore ndaj Armenisë më 7 tetor 2020, ndeshje që do të zhvillohet në transfertë.
Kundërshtari është një ekip shumë modest që luan zyrtarisht në eleminatoret e europianit dhe botërorit prej 6 vitesh.
Pas takimit me Gjibraltarin në muajin nëntor përfaqësuesja kuqezi do të zhvillojë edhe dy ndeshje zyrtare të vlefshme për UEFA Nations League, ndaj Kazakistanit më 15 nëntor dhe ndaj Bjellorusisë më 18 nëntor, që të dyja në shtëpi.
