Njësia speciale, e cila merret vetëm me ndalimin dhe arrestimin e personave të shpallur në kërkim kombëtar dhe ndërkombëtar i është bashkuar rrjetit ENFAST.
Përmes një postimi në “Facebook”, ministri i Brendshëm Sandër Leshaj e ka konsideruar një hap të rëndësishëm që vendi ynë ka bërë drejt përfshirjes së Policisë së Shtetit në marrëdhënie të reja me strukturat europiane.
“Anëtarësimi i Shqipërisë në Rrjetin Europian të Skuadrave për Gjetjen e Personave në Kërkim (ENFAST) është një tjetër hap me rëndësi drejt përfshirjes së Policisë së Shtetit në marrëdhënie të reja me strukturat europiane. Tashmë jo vetëm Policia jonë, por një rrjet i gjerë strukturash europiane do të jetë në mbështetje të përpjekjeve për kapjen e personave që i shmangen drejtësisë.”
Aktualisht është përgatitur një listë me 50 persona në kërkim, të cilët policia ka filluar t’i bëjë publikë së fundmi.
