Shkolla më e mirë është ajo e shpirtit. Ky është mesazhi që na përcjell Molieri përmes veprës së tij të parë dhe të fundit shkruar në vargje “Shkolla e grave”.
Një vepër klasike, himn për dashurinë, shumë ndryshe ajo që jetojnë të rinjtë e sotëm nuk është as për aktorët një vepër e thjeshtë. Vizion Plus hyri së sallat e grimit, aty ku aktorët nisin përgatitjet e para drejt një epoke tjetër, klasike, aty ku edhe tatuazhet si këto që po mbulohen, nuk ekzistonin.
Në shfaqjen e parë, regjisori e stafi ishin skeptik se si do të pritej nga adoleshentët një histori dashurie që merr jetë, në kohën kur Molieri e shkroi. Ishte klasikja përballë një brezi modern, mes të cilëve ka edhe nga ata që e kanë shijuar.
“Shkolla e grave” e konceptuar si një shfaqje për adoleshentët do të ngjitet në Teatrin Eksperimental këtë fundjavë në mesditë, për t’i lënë paraditen publikut të vogël e mbrëmjen atyre më të rriturve.
