Është shtyrë sërish seanca gjyqësore për Emiljano Shullazin. Shkak i shtyrjes së seancës kësaj here është bërë shkarkimi nga vettingu i gjyqtarit Arben Vrioni.
Vrioni ishte pjesë e trupit gjykues në këtë çështje por Komisioni i Pavaruri i Kualifikimit e shkarkoi pak ditë më parë, për shkak të mosjustifikimit të pasurisë.
Në nëntor të vitit të kaluar grupi i Emiliano Shullazi, Gilmando Dani, Blerim Shullazi, Endri Qyqa dhe Endri Zela, u dënua në total nga Gjykata e Shkallës së Parë të Krimeve të Rënda me 55 vite burg. Ata e apeluan vendimin duke kërkuar pafajësi, por procesi ka ngelur prej janarit të këtij viti duke bërë që seancat të shtyhen.
