Shetetet e Bashkuara të Amerikës i kanë bërë thirrje Kosovës që të heq taksën 100% të vendosur ndaj importeve të Serbisë dhe Bosnjës.
Në takimin e zhvilluar të hënën, mes sekretarit të Shtetit Michael R. Pompeo dhe presidentit Thaçi, SHBA ka mbajtur qëndrim të prerë ndaj veprimit të Kosovës.
Në deklaratën e DASH të shpëndarë për mediat thuhet gjithashtu se SHBA mbeshtet korrigjimin e kufijëve mes Kosoves dhe Serbise dhe se është e gatshme që të asistojë procesin.
Sekretari Michael R. Pompeo u takua sot me Presidentin e Kosovës Hashim Thaçi. Sekretari ripohoi mbështetjen e palëkundur të SHBA për një Kosovë sovrane dhe të pavarur, të integruar plotësisht në bashkësinë ndërkombëtare. Sekretari e ka uruar Thaçin dhe të gjithë qytetarët e Kosovës për përparimet e mëdha që kanë bërë gjatë dekadës që nga pavarësia dhe diskutuan rëndësinë e ruajtjes së sundimit të ligjit dhe nxitjes së rritjes ekonomike të fuqishme për të siguruar suksesin e ardhshëm të Kosovës. Sekretari e inkurajoi Kosovën të kapte këtë dritare unike të mundësisë për të arritur një marrëveshje historike gjithëpërfshirëse të normalizimit me Serbinë nën procesin e Dialogut të lehtësuar nga BE. Ai u bëri thirrje autoriteteve të Kosovës që të shfuqizojnë tarifat e vendosura në importet nga Serbia dhe Bosnja dhe Hercegovina dhe të punojnë me Serbinë për të shmangur provokimet dhe tensionet deeskaluese. Normalizimi i marrëdhënieve ndërmjet Kosovës dhe Serbisë është e vetmja mënyrë për të pastruar rrugën për integrimin e ardhshëm të të dy vendeve në bashkësinë perëndimore të kombeve. Shtetet e Bashkuara janë të gatshme të ndihmojnë dhe mbështesin partitë për të arritur një zgjidhje që është e qëndrueshme, e zbatueshme dhe qe rrit stabilitetin.
