Prokuroria e Vlorës vuri sekuestro preventive për 20 mijë metër katror tokë në Himarë, pasi dyshohet se ishte përfituar përmes dokumentacionit të falsifikuar. Sipas organit të akuzës, toka e sekuestruar është në zonën Palermo – Himarë dhe dyshohet se dokumentet u falsifikuan nga Vasil Rrapo. Hetimet për këtë çështje nisen pas një kallëzimi të bërë nga disa persona të cilët kanë dokumentacionin e trashëgimisë së ligjshme mbi pronën, e cila është e regjistruar në emër të Vasil Rrapos. Në vijim Prokuroria ka konstatuar se pjesa më e madhe e kësaj sipërfaqe, është tjetërsuar duke u shitur te persona të tretë ose duke u dhuruar.
