Me kërkesë të Prokurorisë së Shkodrës, Gjykata vendosi sekuestro preventive për rreth 41 mije metër katrore tokë, në zonën turistike të Thethit. Hetimet zbuluan se kjo sipërfaqe e madhe është regjistruar ne vitin 2008 në emër të fëmijëve të ish-kryetarit të komunës, Dedë Tonaj, përmes dokumenteve të falsifikuara. Mashtrimi është kryer ne bashkëpunim me ish-vartësit e tij, Tom Shyti dhe Gjovalin Lokthi. Këta tre persona akuzohen për “shpërdorim detyre”. Prokuroria e Shkodrës ka urdhëruar sekuestrimin e pronave të regjistruara në hipotekë në emër të 5 shtetasve të ndryshëm, me qëllim që të shmanget tjetërsimi i mëtejshëm i tyre. Ndërkohe është njoftuar edhe avokatura e shtetit, që të vijojë procedurat për të rikthyer ligjshmërinë e kësaj sipërfaqeje.
