Inflacioni në Shqipëri do të kthehet në objektivin 3% të Bankës së Shqipërsi gjatë vitit të ardhshëm. Kështu deklaroi Guvernatori Gent Sejko gjatë një takimo që pati me ministrin e Financave, Ervin Mete.
Sipas Sejkos, gjatë këtyre muajve kriza e çmimeve në vend ka ndjekur një trajektore rënëse e ndihmuar nga politika monetare e ndjekur nga Banka Qendrore, duke rritur normën bazë të interesit për lekun.
“Për këtë arsye, fokusi prioritar i politikave ekonomike ka qenë dhe mbetet marrja e masave të koordinuara për zbutjen e kostove të inflacionit dhe kontrollin e kthimin e tij në objektiv”, u shpreh mes të tjerash Sejko.
Ndërsa ministri Mete nga ana tjetër theksoi rëndësinë e përshpejtimit të investimeve publike për të stimuluar më tej zhvillimin ekonomik të vendit.
