Të paktën 50 pasagjerë kanë përjetur momente tmerri kur avioni Cyprus Airways që kryente një fluturim Larnaka-Bejrut u godit nga rrufeja.
Sipas informacioneve të Cyprus Times, gjatë fluturimit, për shkak të kushteve të këqija atmosferike që mbizotëronin dje në zonë, avioni është goditur nga rrufeja.
Megjithatë fluturimi nuk u pengua. Ai u ul i sigurt në aeroportin e Bejrutit, ku qëndroi gjatë natës për proceduart e nevojshme të riparimit.
Në bordin e avionit ndodheshin rreth 50 pasagjerë. /vizionplus.tv
