Kryetari i Këshillit të Agrobiznesit Agim Rrapaj tha për Vizion Plus se çmimet e rritura të produkteve të bulmetit në vendin tonë janë reale.
Në një intervistë të shkurtër me moderatoren, Pranvera Borakaj gjatë edicionit të lajmeve ai u shpreh se kjo rritje ka ardhur gradualisht në vitet e fundit.
Më tej eksperti shpjegoi se, nëse çmimet nuk do të rriten atëherë, përpunuesit vendas të bulmetit do të detyrohen të dalin nga tregu.
Pranvera Borakaj: Sipas INSTAT, grupi i ushqimeve dhe veçanërisht produktet e bulmetit rezultojnë me çmimet me të shtrenjta në treg, sipas jush a janë reale këto çmime?
Agim Rrapaj: Sipas nesh janë reale. Ne kemi bërë një analizë të hollësishme, dhe po të dëgjosh të gjithë zërat thonë që kanë pasuar rritje në një periudhë të gjatë kohe. Kjo rritje ka vazhduar herë pas herë që prej dy vitesh, për çdo produkt kur dihet që lëndët e para materiale vijnë nga importi. Lënda djegëse është rritur, karburanti po ashtu, gjithashtu në rritje kanë qenë edhe pagat e punonjësve të cilët sa vijnë e pakësohen në numër. Edhe kredit kanë pasur një itnerëes më të madh se më parë. Si të gjithë sektorët, edhe ky sektor ka kushtet e kqija të motit, në verë janë thatësirat ndërsa në dimër ngricat e përmbytjet. Dhe të gjitha këto së bashku kanë bërë që sektori i ekonomisë së ushqimir të përballojë disa faktorë të tjerë shtesë.
Pranvera Borakaj: Një litër qushmët/kos po shkon drejt 200 lekëve, djathi po kap vlerën 1200 lekë, sa të drejta janë këto çmime sot?
Agim Rrapaj: Keni parasysh në gjë. Për qumështin e lopës ka patur rritje graduale. Për qumështin e deles e të dhisë, në atë periudhë nuk kishte fare. Tani që ka qumësht po rritet çmimi. Ky çmim pak më i lartë vjen sepse tregu që i kërkon, do të kërkojnë djath cilësor, për shembull turistët api familjarët për fëmijët e tyre. Dhe përpunuesit po punojnë për të sjellë këtë produkt në treg që të mos e marrim nga importi. Këtu ka edhe produkte të tjera të përbëra nga lëndë të tjera por djathi I deles apo I dhisë është I drejtpërdrejtë. E natyrisht sot kanë rënë dakort si blektorët, përpunuesit dhe konsumatorët që ne t’i ruajmë këto tkurrje të mëtejshme. Nëse do të ruajmë ëmimet ne nuk do të kemi më produkte vendase në vijim.
Pranvera Borakaj: Një prej fabrikave ka njoftuar se do të rrise çmimin e qumshtit të deles dhe nënprodutekeve të saj, a besoni se gradualisht fabrikat e tjera do të ndjekim këtë trend në vijim?
Agim Rrapaj: Jo, nuk do të ndodhi. Për arsye sepse qumështi i deles është tre katër muaj e nuk ka më qumësht dele e s’ka çfarë të rritet. Në këto kushte ne jemi të garantuar që ky unifikim midis blektorëve, grumbulluesve e përpunuesve të qumështit por edhe konsumatori e kërkon, është bërë për të patur djathin cilësor. Duhet të kemi parasysh që duhet të ruajmë tkurrjen e mëtejshme të numrit të krerëve. Deri më sot është një situatë e tillë që femretët e kanë përballuar situatën e kostove duke zvogëluar tufën, nuk mund të vazhdohet më kështu. Për këto arsye është edhe kjo rritje jo kushedi se çfarë.
Pranvera Borakaj: Së fundmi autoriteti i konkurrencës njoftoi se ka nisur një hetim mbi këtë treg, për të parë nëse ka marrëveshje mes palëve për të patur çmime të fiksuara, çfarë besoni se do të dalë nga ky hetim, apo a i druheni ju një merrëvshje të tillë?
Agim Rrapaj: Nuk do të dalë asgjë. Sepse s’ka marrëveshje e nuk ka asnjë premis për të patur një të tillë. Ky është tregu me konkurencën më vrastare që shumica po largoheën nga tregu jo më të kemi probleme të unifikimit të çmimeve apo marrëveshje. Kjo është thjesht për t’ju përgjigjur kësaj zhurme që u bë.
