Rrezikon 24 vjet burg, Rihanna paraqitet në gjykatë për të mbështetur bashkëshortin
Rihanna ka treguar mbështetjen e saj për A$AP Rocky gjatë një paraqitjeje të papritur në gjykatë më 29 janar, pasi partneri i saj përballet me mundësinë e një dënimi deri në 24 vjet burg. Superylli ka hyrë në gjykatë në qendër të Los Anxhelosit herët atë mëngjes përmes një hyrje të fshehtë.
I dashuri i saj, reperi Rakim Maeyers, i cili është përballur me akuza lidhur me armë, ka arritur atje më herët gjatë ditës së bashku me familjen dhe miqtë e tij, ndërsa Rihanna ka mbërritur rreth orës 9:49 të mëngjesit. Ajo ka udhëtuar me një fuoristradë me xhama të lyer dhe ka qenë e shoqëruar nga dy roje sigurie, të cilët kanë tentuar të çorientojnë kalimtarët dhe e kanë çuar atë në një korridor anësor, larg nga zona e gjykatës.
Rihanna është futur në gjykatë përmes një ashensori të fshehtë, pa kaluar nga korridori kryesor. Ajo ka qëndruar ulur pranë nënës dhe motrës së Rocky-t në rreshtin e parë të sallës së gjyqit, e rrethuar nga disa roje sigurie.
Inside Rihanna’s trip to LA courtroom to support A$AP Rocky who faces 24 years in prison https://t.co/miYqLJmRdw pic.twitter.com/jT1orOvt9y
Reklamë— Daily Mail Online (@MailOnline) January 30, 2025
Rihanna, e cila ka dy fëmijë me Rocky-n, ka qëndruar pranë tij që nga arrestimi i tij i parë në prill të vitit 2022, kur ata po ktheheshin nga një pushim në Barbados dhe ai u arrestua për akuza të lidhura me armë. Prokurorët pretendojnë se në 6 nëntor 2021, Rocky ka drejtuar një armë ndaj ish-të dashurit të tij, A$AP Relli, duke e kërcënuar dhe qëlluar atë, duke e plagosur lehtë. A$AP Relli, i cili ka dëshmuar kundër Rocky-t, ka thënë se reperi i ka thënë “Unë do të të vras tani” para se të qëllonte të paktën katër herë.
