Situata nga koronavirusi në botë, por sidomos në Europë është rënduar. Në Itali numri i viktimave ka shkuar në 41, ndërsa të identifikuarit sit e prekur janë më shumë se 1.700.
Kryeministri Giusepe Conte firmosi urdherin për zgjatjen e masave kufizuese edhe për 7 ditët e ardhshme në 11 bashki të prekura.
Qeveria urdhëroi gjithashtu edhe mbylljen e shkollave, aktiviteteve tregtare dhe tubimeve masive deri më 8 mars. Situata paraqitet kritike edhe në Francë, Spanjë dhe Gjermani. Në këto vende janë identifikuar më shumë se 130 të prekur.
Në Mbretërinë e Bashkuar numri i të sëmurëve ka shkuar në 36, ndërsa kryeministri i vendit Boris Johnson pritet të zhvillojë një takim me komitetin e emrgjencës.
Në Iran situata paraqitet gjithashtu kritike. Vendet me numrin më të madh të të prekurve janë Kina, Koreja e Jugut dhe Irani.
Mediat në Teheran konfirmuan vdekjen e një anëtarit të Këshillit të Liderit Suprem Ajatollah Ali Khamenei, pasi u infektua me koronavirus. Irani deri më tani ka konfirmuar 978 persona të infektuar dhe 55 viktima, por dyshohet se numri i të vdekurve mund të jetë edhe më i lartë. Ndërsa në SHBA, koronavirusi ka shënuar vdekjen e 2-të, një 70-vjeçar, i cili vuante edhe nga sëmundje të tjera.
Në rang botëror, bilanci flet për 3.058 viktima, ndërsa numri it ë prekurve po shkon në rreht 90 mijë të prekur. Organizata Botërore e Shëndetësisë ka njoftuar se kërkimet për vaksinën kundër koronavirusit pritet të japin një rezuiltat pozitive brenda 3ose 4 muajve. Lajmi u konfirmua nga zëdhënësi i Organizatës Botërore të Shëndetësisë, Tarik Jashareviç.
