Pas vizitë dyditore në Budapest, Kryeministri Edi Rama ndodhet këtë të mërkurë në Bullgari.
Ai publikoi foto me presidentin bullgar, Rumen Radev, teksa shtoi se në takim u fol për marrëdhëniet mes dy vendeve dhe nevojën për dialog, me qëllim zgjidhjen e ngërçit kritik mes Bullgarisë e Maqedonisë së Veriut.
“Sofje – Mëngjes pune me Presidentin Rumen Radev mbi marrëdhëniet e shkëlqyera bilaterale dhe nevojën për dialog mes palëve për zgjidhjen e ngërçit kritik mes Bullgarisë e Maqedonisë së Veriut (çka momentalisht pengon edhe thirrjen e Konferencës Ndërqeveritare BE-Shqipëri)”, shkruan Rama në “Facebook”.
