E diela ka qene dite inspektimesh për kryeministrin Edi Rama. Ai ka përshkuar këtë gjithë vijën bregdetare përgjatë rrugës transballkanike ne qytetin e Vlorës. Duke u ndaluar në çdo kantier pune të hapur përgjatë 5 kilometrave te gjatësisë se saj, kreu i qeverisë e cilësoi Lungomaren si një ndër tre investimet më strategjike që transformojnë vijën bregdetare.
“Kjo është një vepër shumë komplekse me shumë detaje në punime inxhinjerike të jashtëzakonshme për shkak të gjithë problematikë të kanalizimeve që deri dje derdheshin në det, të përmbytjeve që vinin si rezultat i mungesës së kanalizimeve normale dhe mbi të gjitha i domosdoshmërisë për ta transformuar në një vijë bregdetare të standardeve më të lartë të Mesdheut. Është një projekt spektakolar që do të ketë një rezultat spektakolare”.
Rama i kushtoi vëmendje edhe rikonstruksionit të rrugës “Dhimitër Konomi”, në unazën e qytetit, aks ky i cili siguron një kalim të ri për automjetet jo më përmes Lungomares.
“Me plotësimin e infrastrukturës mbrapa do të çlirohet gjithë pjesa përpara sepse nuk është një rrugë për të përshkuar atdheun, por është një rrugë shëtitoreje dhe nuk mund të ketë një shpejtësi më të madhe se sa shpejtësia që imponon kalimi me 2 korsi. rruga mbrapa dhe rruga lart do të plotësojnë gjithë nevojat për një trafik më normal. Ndërkohë që në kohën e pikut bllokohen autostrada, jo më rrugët e qyteteve turistike që janë gjithmonë të rënduara nga trafiku”.
Në këto inspektime, Kryeministri Rama shoqërohej nga kryetari i Bashkisë së Vlorës dhe Drejtori i Fondit Shqiptar të Zhvillimit.
